ავტორიზაცია
ლიონი მიქაუტაძის მთავარ კონკურენტს ყიდის? - თურქულმა კლუბმა შეთავაზება უკვე გააკეთა
ფრანგული "ლიონი" ნიგერიელი ფორვარდი გიფტ ორბანი იჯარის წესით "ტრაბზონსპორში" გაშვებას აპირებს, ამის შესახებ ცნობილი ინსაიდერი საშა ტავოლიერი იტყობინება.
ორბანი საქართველოს ნაკრების ფორვარდის გიორგი მიქაუტაძის მთავარი კონკურენტი გახლავთ. 22 წლის შემტევმა ლიგა 1-ის ბოლო ტურში "სტრასბურთან" მოგებულ (4:3) მატჩში დუბლი გაიფორმა.
წყაროს ცნობით, ორბანი "ტრაბზონსპორში" იჯარის წესით გადავა, თურქულ კლუბს კი, სეზონის ბოლოს მისი გამოსყიდვაც 6 მილიონად შეეძლება.
არსებობს კიდევ ერთი პუნქტი, "ტრაბზონსპორი" ვალდებული იქნება მოთამაშის გამოსასყიდი თანხა გადაიხადოს, თუ ნიგერიელი შემტევი სეზონში 20 გოლს გაიტანს, მისი კლუბი კი თურქეთის ჩემპიონი გახდება.
ტრანსფერზე აქტიური მუშაობა გრძელდება, ფურქული მხარე "ლიონის" პქსუხის მოლოდინშია.
შეგახსენებთ, რომ ევროპაში სატრანსფერო ფანჯარა უკვე დახურულია, თურქეთში კი ტრანსფერების განხორციელება 13 სექტემბრამდეა შესაძლებელი.
