ლივერპული არნოლდის შემცვლელეზე ფიქრობს

მოგეხსენებათ, რომ სეზონის მიწურულს ტრენტ ალექსანდ-არნოლდს ლივერპულთან კონტრაქტი უმთავრდება, ინგლისელი მცველი ამ დრომდე ვერ ახერხებს კლუბთან საერთო ენის გამონახვას და დიდი შანსია განაპირა მცველმა კარიერა სხვა კლუბში გააგრძელოს, არნოლდის მიმართ დიდი ინტერესი მადრიდის რეალს აქვს. ამის გამო “წითლების“ ხელმძღვანელები უკვე ეძებენ არნოლდის პოტენციურს შემცვლელებს.

ერთ-ერთი მთავარი კანდიდატი ლევერკუზენის ნიდერლანდელი მცველი ჟერემი ფრინპონგია. სათამაშო სტილით ის ძალიან წააგავსო არნოლდს, თან ისიც უნდა გავითვალისწინოთ, რომ მისთვის ინგლისი უცხო არ არის ფრინპონგი მანჩესტერ სიტის სკოლის აღზრდილია. ლივერპულს კონკურენციას სწორედ პეპ გვარდიოლას გუნდი გაუწევს და ეცდება ფრინპონგის დამატებას.

ფრინპონგი ლევერკუზენის ღირსებას უკვე 5 წელია იცავს. მის ანგარიშზე ყველა ტურნირზე 161 შეხვედრაა რა დროშიც 27 გოლის გატანა მოახერხა. გასულ წელს ჟერემიმ ბუნდესლიგის, გერმანიის თასის და სუპერ თასის მოგება შეძლო და ასევე ბუნდესლიგის სეზონის სიმბოლურ გუნდში მოხვდა. “ფარმაცეპტები“ თავის ფეხბურთელს 50 მილიონად აფასებენ.