ლივერპული და ევერტონი შტუტგარტის თავდამსხმელისთვის იბრძოლებენ

"შტუტგარტის" თავდამსხმელმა, საშა კალაიჯიჩმა კარიერა შეიძლება ინგლისის ჩემპიონატში გააგრძელოს.

როგორც Daily Express იტყობინება, 23 წლის ავსტრიელისთვის ერთდროულად ორი მერსისაიდული კლუბი იბრძოლებს - "ლივერპული" და "ევერტონი".

აღსანიშნავია, ცოტა ხნის წინ, ახალგაზრდა შემტევი ავსტრიულ პრესას გამოუტყდა, რომ ბავშვობიდან "ლივერპულის" გულშემატკივარია და "ენფილდზე" თამაშზე ოცნებობს.

მიმდინარე სეზონში კალაიჯიჩმა "შტუტგარტის" მაისურით 24 მატჩი ჩაატარა, 13 გოლი გაიტანა და 3 შედეგიანი გადაცემა გააკეთა. მოქმედი კონტრაქტის ვადა კლუბთან მას 2023 წლის 30 ივნისს ეწურება.