ლივერპული გიორგი მამარდაშვილის ტრანსფერით სერიოზულად ინტერესდება

COPE-ის ინფორმაციით, ლივერპული გასულ სეზონში გიორგი მამარდაშვილის პერფორმანსებით აღფრთოვანებული დარჩა და მისი შეძენით სერიოზულად ინტერესდება.

ქართველი მეკარე მერსისაიდულ კლუბში ტრანსფერზე თანახმაა, მიუხედავად იმისა, რომ გუნდში ალისონ ბეკერი ირიცხება.

ვალენსია მზადაა, მამარდაშვილი მიმდინარე ზაფხულში £25 მილიონად გაყიდოს, ინგლისური გრანდისთვის კი ამ თანხის გადახდა, სავარაუდოდ, პრობლემა არ იქნება.

ლივერპული, დიდი ალბათობით, ამ სატრანსფერო ფანჯარაზე კაოიმჰინ კელეჰერს გაყიდის, შესაბამისად, მისი შემცვლელის დამატება დასჭირდება.

გიორგიმ ლა ლიგის გასულ სეზონში კარი მშრალად 7-ჯერ შეინახა და ევროპის ჩემპიონატზეც ბრწყინვალე იყო.