ლივერპული ნაპოლის კვარაცხელიას სანაცვლოდ €100 მილიონს სთავაზობდა

ჯანლუკა დი მარციოს ინფორმაციით, გასულ ზაფხულში ლივერპულმა ნაპოლის ხვიჩა კვარაცხელიას სანაცვლოდ €100 მილიონი შესთავაზა.

ინგლისური კლუბი "პარტენოპეის" იმასაც სთავაზობდა, რომ ქართველი 1-წლიანი იჯარით იტალიაში დარჩენილიყო და ენფილდზე შემდეგ გადაბარგებულიყო, მაგრამ აურელიო დე ლაურენტისმა უარი განაცხადა.

საბოლოოდ, მიმდინარე წლის იანვარში ხვიჩა კვარაცხელია €70 მილიონად პარი სენ-ჟერმენში გადავიდა და გუშინ, ჩემპიონთა ლიგაზე სწორედ ლივერპულს დაუპირისპირდა.