ლივერპული ორმა ფეხბურთელმა დატოვა
![ლივერპული ორმა ფეხბურთელმა დატოვა](http://storage.goal.ge/uploads/posts/F1Wo3dYgzqhtpBtH6SJ8bszVkAVaGard.jpg)
გუშინ ჟოელ მატიპმა და ტიაგო ალკანტარამ ლივერპული ოფიციალურად დატოვეს. უცნობი არ ყოფილა, რომ ეს ფეხბურთელები ინგლისური კლუბიდან წავიდოდნენ, მაგრამ მათი კონტრაქტები 30 ივნისამდე იყო გათვლილი.
ტიაგომ გასულ სეზონში ტრავმების გამო მხოლოდ 5 წუთი ითამაშა. მის მსგავსად, მატიპსაც ფიტნესის პრობლემები ჰქონდა და მონაწილეობა მხოლოდ 14 მატჩში მიიღო.
ესპანელი ნახევარმცველი კვირაში £200 ათასს გამოიმუშავებდა, კამერუნელი მცველი კი - £100 ათასს. შესაბამისად, ლივერპულს სახელფასო ფონდში £15 მილიონი გამოუთავისუფლდა.
მატიპი მერისაიდელთა რიგებში 2016 წელს გადავიდა (201 მატჩი, 11 გოლი, 6 ასისტი), ტიაგო კი - 2020 წელს (98 მატჩი, 3 გოლი, 6 ასისტი). ახლა ისინი თავისუფალი აგენტები არიან და ახალ კლუბებს მოძებნიან.