ლივერპული ორმა ფეხბურთელმა დატოვა

ტიაგომ გასულ სეზონში ტრავმების გამო მხოლოდ 5 წუთი ითამაშა. მის მსგავსად, მატიპსაც ფიტნესის პრობლემები ჰქონდა და მონაწილეობა მხოლოდ 14 მატჩში მიიღო.

ესპანელი ნახევარმცველი კვირაში £200 ათასს გამოიმუშავებდა, კამერუნელი მცველი კი - £100 ათასს. შესაბამისად, ლივერპულს სახელფასო ფონდში £15 მილიონი გამოუთავისუფლდა.

მატიპი მერისაიდელთა რიგებში 2016 წელს გადავიდა (201 მატჩი, 11 გოლი, 6 ასისტი), ტიაგო კი - 2020 წელს (98 მატჩი, 3 გოლი, 6 ასისტი). ახლა ისინი თავისუფალი აგენტები არიან და ახალ კლუბებს მოძებნიან.