ავტორიზაცია
"ლივერპულით იმედგაცრუებული ვარ," - მო სალაჰი
ლივერპულის ეგვიპტელმა შემტევმა, მოჰამედ სალაჰმა საკუთარ მომავალზე ისაუბრა.
"უკვე თითქმის დეკემბერია და კლუბისგან კონტრაქტის გახანგრძლივებაზე არანაირი შეთავაზება არ მიმიღია. ალბათ, წასვლასთან უფრო ახლოს ვარ, ვიდრე დარჩენასთან. იმედგაცრუებული ვარ.
ქომაგები მიყვარს და მათაც ვუყვარვარ, თუმცა კონტრაქტის საკითხი არც ჩემზეა დამოკიდებული და არც ფანებზე. ვნახოთ, რა მოხდება.
ძალიან პროფესიონალი ვარ. ჩემთვისა და კლუბისთვის ყველაფერს ვაკეთებ. ყველა ხედავს, როგორ ვმუშაობ. ვცდილობ, ფეხბურთით სიამოვნება მივიღო. მაღალ დონეზე იქამდე ვითამაშებ, სანამ შევძლებ," - განაცხადა ეგვიპტელმა.
მო სალაჰი ლივერპულში 2017 წლიდან ასპარეზობს. მისი კონტრაქტი 2025 წლის 30 ივნისს იწურება.
