ლოპეტეგი: "ლივერპული რეალთან შეხვედრაში უკეთეს შედეგს იმსახურებდა"

„ვულვზის“ მთავარმა მწვრთნელმა, ხულენ ლოპეტეგიმ, „ლივერპულთან“ მატჩის წინ, მერსისაიდელთა „რეალთან“ გამართული შეხვედრა გაიხსენა, რომელშიც ინგლისელები 2:5 დამარცხდნენ.

„მგლები“ იურგენ კლოპის გუნდს „ენფილდს“ ხვალ, ოთხშაბათს ეწვევიან.

„ენფილდზე თამაში დაუჯერებლად რთულია, თუმცა „ლივერპული“ ყველა მოედანზე სახიფათოა. „რეალთან“ ახლახანს გამართულ შეხვედრაში გუნდმა ბრწყინვალე პირველი ტაიმი ჩაატარა და სხვა შედეგს იმსახურებდა, მაგრამ ეს ფეხბურთია.

დარწმუნებული ვარ, ხვალ დიდებული განწყობის მქონე გუნდი შეგვხვდება და ჩვენ ამისთვის მზად უნდა ვიყოთ. ჩვენი საქმეა - შევეცადოთ საკუთარი თამაშის ჩვენება, თუნდაც ეს რთული იყოს.“, - აღნიშნა ლოპეტეგიმ.