ავტორიზაცია
ლუის ენრიკე დემბელეზე: საგის წამოწყებას არ ვაპირებ
დღეს ცნობილი გახდა, რომ პარი სენ-ჟერმენის მთავარმა მწვრთნელმა, ლუის ენრიკემ უსმან დემბელე ხვალ, ჩემპიონთა ლიგაზე, არსენალის წინააღმდეგ გასამართი მატჩის განაცხადს მიღმა დატოვა.
გავრცელებული ინფორმაციით, რენთან შეხვედრის შემდეგ, ესპანელ სპეციალისტსა და ფრანგ ფეხბურთელს შორის სიტუაცია დაიძაბა.
აღნიშნულზე თავად ლუჩოს ჰკითხეს, ასტურიელისგან კი პასუხად მიიღეს:
"ამისგან საგას არ წამოვიწყებ... უბრალოდ, გუნდის მიმართ მის ვალდებულებებთან დაკავშირებით პრობლემა შეიქმნა.
კლუბისთვის საუკეთესო მსურს, რის გამოც ის განაცხადს მიღმა დავტოვე. არ გვიჩხუბია.
დემბელესთან ერთადაც წაგვიგია... ნიუკასლთან, მილანთან, დორტმუნდთან და ბარსასთან.
თუ ვინმე გუნდის წესებს არ იცავს, ეს ნიშნავს, რომ ის მნიშვნელოვანი კვირისთვის მზად არ არის.
ბორდმა, დირექტორმა, პრეზიდენტმა და კლუბმა ამ გადაწყვეტილებაში მხარი დამიჭირეს. მათ იმისთვის დამნიშნეს, რომ გუნდი ავაწყო, და ამას ვაკეთებ.
რა თქმა უნდა, უსმანიც ჩვენი გუნდის ნაწილია."
პსჟ არსენალს ხვალ, 23:00 საათზე, ლონდონში დაუპირისპირდება.
