ლუის ენრიკემ ჯანლუიჯი დონარუმასთან დაკავშირებით გადაწყვეტილება მიიღო

მიმდინარე ზაფხულის სატრანსფერო ფანჯრის დასრულებამდე, პარი სენ ჟერმენს დიდი ალბათობით მეკარე, ჯანლუიჯი დონარუმა დატოვებს.

26 წლის იტალიელი მეკარე ლუის ენრიკე გეგმებში აღარ შედის და ამაზე ის ფაქტიც მეტყველებს, რომ ის უეფას სუპერ თასის განაცხადში ვერ მოხვდა.

ჯანლუიჯი დონარუმას ურთიერთობა პარიზული კლუბის ხელმძღვანელობასთანაც დაეძაბა მას შემდეგ, რაც მხარეები ახალ კონტაქტზე ვერ შეთანხმდნენ — მოქმედი ხელშეკრულება მას 2026 წლის ზაფხულში ეწურება.

შეგახსენებთ, რომ 2025 წლის უეფას სუპერ თასი 13 აგვისტოს თბილისის დროით 23 საათზე დაიწყება, სადაც ერთმანეთს პსჟ და ტოტენჰემი დაუპირისპირდებიან.