ლუის სუარესი სანაკრებო კარიერას ასრულებს

"ელ პისტოლერო" ურუგვაის ნაკრებში 2007 წლიდან ასპარეზობს. მის ანგარიშზე 142 მატჩი და 69 გოლია - სუარესი ეროვნულ გუნდს ყველა დროის საუკეთესო ბომბარდირის სტატუსით ემშვიდობება. ამასთან, ლუისმა "ლა სელესტესთან" ერთად 2011 წელს კოპა ამერიკა მოიგო.

სუარესი ამჟამად ინტერ მაიამიში თამაშობს და კლუბთან კონტრაქტი მიმდინარე წლის 31 დეკემბრამდე აკავშირებს. მხარეებს ხელშეკრულების 1 წლით გახანგრძლივების ოფცია აქვთ.