ავტორიზაცია
ლუის სუარესს ლივერპულიდან სხვა ინგლისურ გუნდში გადასვლა სურდა
ლეგენდარულმა ურუგვაელმა ფეხბურთელმა, ლუის სუარესმა განაცხადა, რომ 2013 წელს ჰქონდა შანსი, ლივერპულიდან არსენალში გადასულიყო.
"მე არსენალში გადასვლა მინდოდა, რადგან ისინი ყოველ წელს ჩემპიონთა ლიგაზე თამაშობდნენ. "მეთოფეები" მზად იყვნენ, ჩემს სანაცვლოდ დიდი თანხა გადაეხადათ, მაგრამ ინგლისში, ლივერპულიდან არსენალში გადასვლა კარგი ნაბიჯი არ იყო.
ერთ დღეს სტივენ ჯერარდი მოვიდა ჩემთან და მითხრა, რომ მე შემეძლო უფრო დიდ კლუბში წასვლა, როგორიც რეალ მადრიდია ან სხვა არაერთი გრანდი, მაგრამ დასძინა, რომ ჩემთვის საუკეთესო ვარიანტი აქ დარჩენა იქნებოდა. მან მითხრა, რომ არსენალში ტრანსფერი კარგს არაფერს მომიტანდა. მეუბნებოდა: "დარჩი და შემდეგ წელს შენ გექნება შემოთავაზებები დიდი კლუბებისგან, როგორებიც ბარსელონა, რეალ მადრიდი ან ბაიერნი არიან. შემდეგ შენ შეგეძლება, აირჩიო, სად გადახვიდე, მაგრამ არ წახვიდე არსენალში, კიდევ ერთი სეზონიც დარჩი."
მე ყოველთვის ვოცნებობდი ბარსელონაში თამაშზე, როდესაც მე მათ შევუერთდი, ეს ოცნების ახდება იყო," - ლუის სუარესი.
"ელ პისტოლერო" ლივერპულის ღირსებას 2011-2014 წლებში იცავდა. ურუგვაელი ფეხბურთელის ანგარიშზე 133 მატჩში 82 გოლი და 31 საგოლე გადაცემაა.
