ლუკა მოდრიჩის გამო ანჩელოტისა და პერესს შორის კონფლიქტი წარმოიშვა

ლუკა მოდრიჩი რეალ მადრიდში, დიდი ალბათობით, ბოლო სეზონს ატარებს, თუმცა გუნდში კვლავ მნიშვნელოვანი წევრია.

Relevo-ს ინფორმაციით, ლეგენდარულ ხორვატთან დაკავშირებით კარლო ანჩელოტი და ფლორენტინო პერესი ვერ თანხმდებიან. მათ შორის კონფლიქტი წარმოიშვა, რადგან მადრიდელთა პრეზიდენტი ფიქრობს, რომ მოდრიჩი სასტარტო შემადგენლობის წევრი აღარ უნდა იყოს და სათადარიგო მოთამაშედ იდეალური იქნება.

ანჩელოტი კლუბის ხელმძღვანელობას არ ეთანხმება და ლუკას შესაძლებლობებში დარწმუნებულია.

39 წლის ფეხბურთელმა მიმდინარე სეზონში 25 მატჩი ჩაატარა და 4 ასისტი მიითვალა. ის ძირითად თერთმეტეულში 10-ჯერ მოხვდა.

მოდრიჩს “ლოს ბლანკოსთან” კონტრაქტი 2025 წლის 30 ივნისამდე აკავშირებს.