ლუკაკუს აგენტი: "სანამ ბაზარზე საუდის არაბეთი გამოჩნდებოდა, ჩელსის იჯარის გაგონებაც კი არ უნდოდა"

„ზაფხულის დასაწყისში, იჯარაზე საუბარი რთული კი არა, პრაქტიკულად შეუძლებელი იყო. „ჩელსის" მფლობელები საბოლოო გადაწყვეტილებას ეძებდნენ, ფეხბურთელის გაყიდვა უნდოდათ. ნამდვილი ცვლილებები კი მას შემდეგ გამოჩნდა, რაც საერთაშორისო ბაზარზე საუდის არაბეთის კლუბები გამოჩნდნენ.

მათ იმდენად მაღალი თამასა დააწესეს ფასებთან მიმართებაში, რომ ევროპულ კლუბებს მიახლოვებული თანხების შეთავაზებაც კი უჭირდათ.

ასე რომ, ერთის მხრივ კლუბს ფეხბურთელის გაყიდვის სურვილი ამოძრავებდა, მეორეს მხრივ კი - მაქსიმალურად დიდი თანხის მიღების, რისი გადახდაც, მხოლოდ საუდელებს ეეძლოთ.

თუმცა, ლუკაკუს ევროპაში დარჩენა მტკიცედ ჰქონდა გადაწყვეტილი.", - აღნიშნა სებასტიან ლედურმა.

ცნობისთვის, ლუკაკუს ტრანსფერზე „ინტერი" და „იუვენტუსიც" მუშაობდნენ, თუმცა საბოლოოდ, გარემოებებიდან გამომდინარე, ბელგიელი ერთწლიანი იჯარით „რომაში" გადავიდა.