მაიკ მენიო მილანთან ახალ კონტრაქტს გააფორმებს

მილანს და მაიკ მენიოს შორის მოლაპარაკებები წარმატებით მიმდინარეობს და დიდი ალბათობით, მხარეები შეთანხმებას მიაღწევენ.

გავრცელებული ინფორმაციის თანახმად, 29 წლის ფრანგი მეკარე კონტრაქტს 2028 წლამდე გაახანგრძლივებს და ბონუსების ჩათვლით სეზონში 7 მილიონ ევროს მიიღებს.

შეგახსენებთ, რომ მილანმა მაიკ მენიო 2021 წელს ჯანლუიჯი დონარუმას წასვლის შემდეგ ლილიდან დაიმატა — მან როსონერის მაისური 116 შეხვედრაში მოირგო და 45-ჯერ კარი მშრალად შეინახა.