ავტორიზაცია
მალე ლონდონურ კლუბში დიდი ცვლილებები იქნება
სეზონის დაწყების წინ, პრემიერ ლიგის ბინადარი ვესტ ჰემი სერიოზულად გაძლიერდა, გუნდში ასევე მოვიდა ახალი მთავარი მწვრთნელი ხულენ ლოპეტეგი. მაგრამ “ჩაქუჩების“ თამაში ვერანაირ კრიტიკას ვერ უძლებს. გუნდი მეთოთხმეტე პოზიციაზეა და უკანასკნელი შეხვედრა ლესტერ სიტისთან 3-1 დათმო, ამის გამო ლოპეტეგის დღეები გუნდში დათვლილია, ესპანელმა მწვრთნელმა აუცილებლად უნდა მოუგოს შემდეგ ტურში ვულვზ სხვა შემთხვევაში ის დატოვებს თავის თანამდებობას.
ლონდონელთა ხელმძღვანელობამ უკვე შეარჩია ორი კანდიდატი, როჯერ შმიტდი და სერჟიო კონსეისაო, ორივე სპეციალისტი უგუნდოდა არის და მათი ბოლო სამუშაო ადგილი პორტუგალიის ჩემპიონატი იყო. პორტუგალიელი პორტოს წვრთნიდა, ხოლო გერმანელი სპეციალისტი ბენფიკას ედგა სათავეში. ვესტ ჰემის სურვილია, რომ სეზონი გადაარჩინოს და რაც შეიძლება მაღლა დაასრულოს ჩემპიონატი, რადგან გუნდი ზაფხულში კარგად გაძლიერდა დიდი ფინანსები დახარჯა და მხოლოდ და მხოლოდ ოთხი გამარჯვება ჩემპიონატში ძალიან ცოტაა, პლუს გუნდი უამრავ გოლს უშვებს ამ ეტაპზე ლოპეტეგის გუნდმა 27 გოლი მიიღო საკუთარ კარში.
სულ რამდენიმე დღეში გაირკვევა დარჩება თუ არა ესპანელი ვესტ ჰემის მწვრთნელის პოსტზე, მაგრამ ფაქტი ერთია ლოპეტეგიმ დაკარგა კლუბის ნდობა და მისი პოსტი დიდი კითხვის ნიშნის ქვეშ დგას.
