მამუკა ჯუღელი ხვიჩას მომავალზე: ნაპოლის დატოვება გვსურს

ხვიჩა კვარაცხელიას აგენტმა, მამუკა ჯუღელმა განაცხადა, რომ თავისი კლიენტის ნაპოლიდან წასვლა სურს.

კვარაცხელიასთან ამ თემაზე არ მისაუბრია, რადგან ახლა ეროვნული ნაკრები ყველაზე მნიშვნელოვანი რამაა.

ისეთ გუნდში გადასვლა გვსურს, რომელიც ჩემპიონთა ლიგაზე თამაშობს. ყველაზე ცუდი ისაა, რომ თუ ხვიჩა აქ დარჩება, 1 წელს დაკარგავს... ამაზე ვდარდობთ," - თქვა ჯუღელმა ტელეკომპანია "იმედთან" ინტერვიუში.

ნაპოლიმ გასულ სეზონში სერია ა-ში მე-10 ადგილი დაიკავა, შესაბამისად, კლუბი 2024/25 წლების სეზონში ევროპული ფეხბურთის გარეშე იქნება და კონფერენს ლიგაზეც კი ვერ ითამაშებს.

ხვიჩას იტალიურ კლუბთან კონტრაქტი 2027 წლის 30 ივნისამდე აკავშირებს.