მან სიტისა და ლივერპულის ფრის შედეგად, პრემიერ ლიგაში ლიდერი შეიცვალა

„არსენალმა“ „მან სიტისა“ და „ლივერპულის“ მატჩში ფრით (1:1) ისარგებლა.

მიკელ არტეტას გუნდმა სტუმრად „ბრენტფორდი“ 1:0 დაამარცხა და 13 ტურის შედეგად პრემიერ ლიგის ცხრილს ჩაუდგა სათავეში.

„მეთოფეებს“ 30 ქულა აქვთ, „მან სიტი“ ერთი ქულით ჩამორჩება, „ლივერპული“ კი - ორით.

მათ მოჰყვებიან „ტოტენჰემი“ და „ასტონ ვილა“, რომლებსაც 12 მატჩის შემდეგ 26 და 25 ქულა აქვთ თანმიმდევრობით, ეს ორი გუნდი ერთმანეთს ხვალ შეხვდება.