მანჩესტერ იუნაიტედი 3 ცენტრალური მცველის ტრანსფერზე მუშაობს
![მანჩესტერ იუნაიტედი 3 ცენტრალური მცველის ტრანსფერზე მუშაობს](http://storage.goal.ge/uploads/posts/NSZS6oZIC7zqPMCzfygYJfYA4ODzEoVn.jpg)
Sky Sports-ის ინფორმაციით, მანჩესტერ იუნაიტედი 3 ცენტრალური მცველის - მატიას დე ლიხტის, ლენი იოროსა და ჯარად ბრანთუეიტის ტრანსფერზე მუშაობს.
მანჩესტერელებს მიმდინარე ზაფხულის სატრანსფერო ფანჯარაზე დაცვის გაძლიერება სურთ. ინგლისურმა კლუბმა დე ლიხტთან პირადი კონტრაქტის დეტალები უკვე შეათანხმა და მის შეძენასთან ყველაზე ახლოსაა. იოროსა და ბრანთუეიტის შემთხვევაში კი საქმე სხვანაირადაა - ლენი პრიორიტეტს რეალს ანიჭებს და, მიუხედავად იმისა, რომ ლილი ფრანგის თაობაზე მანკუნიანელთა შეთავაზებას დათანხმდა, მაგრამ საბოლოო გადაწყვეტილება ფეხბურთელმა უნდა მიიღოს; ჯარადს კი ევერტონი ფასს არ აკლებს და 70 მილიონს ითხოვს.
წყაროს ცნობით, "ოლდ ტრაფორდის" ბინადრების სურვილია, რომ მინიმუმ 2 უკანახაზელი დაიმატონ, რათა პოტენციური ტრავმებისა და რამდენიმე ფეხბურთელის წასვლის გამო პრობლემები არ შეიქმნას.