მანჩესტერ იუნაიტედი მზადაა, მარკუს რაშფორდი პარი სენ-ჟერმენს მიჰყიდოს

talkSPORT-ის ინფორმაციით, პარი სენ-ჟერმენს მარკუს რაშფორდის შეძენა სურს. პარიზული კლუბი მისი ტრანსფერით წარსულშიც ინტერესდებოდა, მაგრამ შემდეგ ინგლისელმა მანჩესტერ იუნაიტედთან გრძელვადიანი კონტრაქტი გააფორმა.

მიმდინარე ზაფხულის სატრანსფერო ფანჯარაზე "წითელი ეშმაკები", სავარაუდოდ, რამდენიმე ფეხბურთელს გაუშვებენ და ერთ-ერთი, შესაძლოა, სწორედ რაშფორდი იყოს, რაც პსჟ-ს მისი გაფორმების შანსებს უზრდის. ნასერ ალ-ხელაიფის კლუბი კილიან მბაპეს წასვლის შემდეგ ახალი ეპოქისთვის ემზადება და სჯერა, რომ მარკუსი გუნდის გასაძლიერებლად იდეალური ვარიანტია.

HITC-ს ცნობით, მანჩესტერ იუნაიტედი რაშფორდის გაყიდვის წინააღმდეგი არ არის. ინგლისელის ამჟამინდელი ფორმა კლუბისთვის ძალიან გაურკვეველია, რადგან მან გასულ სეზონში 40 მატჩში მხოლოდ 8 გოლი გაიტანა. ამასთან, მარკუსს დისციპლინის პრობლემებიც ჰქონდა.