მანჩესტერ იუნაიტედი V ლივერპული — რომელმა კლუბმა დახარჯა უფრო მეტი ტრანსფერებში?

დღეს, პრემიერ ლიგის მე-20 ტურში ინგლისურ ფეხბურთში ერთ-ერთი ყველაზე გამორჩეული დაპირისპირება გაიმართება — ლივერპული ენფილდზე მანჩესტერ იუნაიტედს უმასპინძლებს.

ორივე გუნდი 2014 წლიდან დღემდე სატრანსფერო ბაზარზე საკმაოდ აქტიურია და არაერთი მაღალი დონის ტრანსფერი დახურა. აღსანიშნავია, რომ მანჩესტერ იუნაიტედმა 10 წლის განმავლობაში 1.112 მილიარდი გირვანქა სტერლინგი (ბალანსი გადახდილ და გამომუშავებულ თანხას შორის) დახარჯა, ხოლო ლივერპულმა მხოლოდ 373 მილიონი.

პრემიერ ლიგის მიმდინარე სეზონში ლივერპულს 45 ქულა აქვს და სატურნირო ცხრილს ერთპიროვნულად ლიდერობს, ხოლო მანჩესტერ იუნაიტედი 22 ქულით მე-14 პოზიციას იკავებს.