მანჩესტერ იუნაიტედმა ჯეიდონ სანჩოს სატრანსფერო ფასი დაასახელა

მანჩესტერ იუნაიტედი მზად არის ზაფხულში ჯეიდონ სანჩო გაყიდოს და მის სანაცვლოდ 40 მილიონ ევროს მოითხოვს.

23 წლის ინგლისელი შემტევი ამჟამად იჯარის წესით დორტმუნდში თამაშობს და გერმანულ კლუბს ზაფხულში მისი გამოსყიდვის უფლება ექნება.

შეგახსენებთ, რომ მანჩესტერ იუნაიტედმა სანჩო 2021 წელს სწორედ დორტმუნდიდან დაიმატა - მან მანჩესტერელი კლუბის მაისურით 82 მატჩში მიიღო მონაწილეობა, 12 გოლი გაიტანა და 6 ასისტი გაიფორმა.