ავტორიზაცია
მანჩესტერ იუნაიტედმა თვალი ჰოლანდიის ნაკრების შემტევს დაადგა და უკვე ფასიც შეუთვალეს
"მანჩესტერ იუნაიტედის" ხელმძღვანელობა "პსვ ეინდჰოვენის" გარემარბ კოდი გაკპოს ხელში ჩაგდებით ინტერესდება.
ჰოლანდიური კლუბი 23 წლის ფეხბურთელში 35 მილიონ ფუნტს ითხოვს და ფასის დაკლებას არ აპირებს, იტყობინება გავლენიანი გამოცემა ESPN-ი.
თავად ფეხბურთელი, მიუხედავად პრემიერ ლიგის სხვა კლუბების მხრიდან არსებული ყურადღებისა, მზადაა "ეშმაკუნების" რიგებში გადავიდეს, თუ კლუბები ტრანსფერზე შეთანხმდებიან.
გაკპომ გასულ სეზონში "პსვ"-ს მაისურით ყველა ტურნირზე ერთად 47 მატჩი ჩაატარა და 21 გოლი გაიტანა.
აღსანიშნავია, რომ ახალგაზრდა ჰოლანდიელი შემტევი ეროვნული ნაკრების წევრიცაა.
