მანჩესტერ სიტი 3 გარემარბით ინტერესდება - სიაში ხვიჩა კვარაცხელიაცაა

თარიღი: 07 Aug 2024, 18:02

Marca-ს ინფორმაციით, მანჩესტერ სიტი მიმდინარე სატრანსფერო ფანჯარაზე 3 გარემარბს აკვირდება, ერთი-ერთი მათგანი კი ხვიჩა კვარაცხელიაა.

ინგლისური კლუბის სიაში, ქართველი ფეხბურთელის გარდა, როდრიგო გოესი და ებერეჩი ეზე არიან. წყაროს ცნობით, პეპ გვარდიოლას საოცნებო ტრანსფერი რეალ მადრიდის ბრაზილიელი შემტევია.

მიუხედავად იმისა, რომ პრიორიტეტი როდრიგოა, მანჩესტერ სიტი მადრიდელებთან მოლაპარაკებებს არ დაიწყებს, სანამ ფეხბურთელისგან თანხმობას არ მიიღებს.

"ქალაქელებმა" ხულიან ალვარესი ატლეტიკოში €95 მილიონად გაყიდეს და მისი შემცვლელის შეძენა სჭირდებათ.

როდირგო ესპანეთში ბედნიერია, მაგრამ, გუნდში კილიან მბაპეს მისვლის ფონზე, რთული სათქმელია, ბრაზილიელი სასტარტო შემადგენლობის წევრი იქნება თუ არა.

რაც შეეხება ხვიჩას - ნაპოლი ქართველის გაყიდვას არ აპირებს. მიმდინარე ზაფხულში იტალიური კლუბიდან მისი წასვლა პრაქტიკულად გამორიცხულია.