მანჩესტერ სიტიმ ბრაზილიელი თავდამსხმელის ტრანსფერი შეათანხმა

"ფლუმინენსეს" ფორვარდი, კაიკი უახლოეს პერიოდში "მანჩესტერ სიტისთან" გააფორმებს კონტრაქტს, წერს ჟურნალისტი, ნიკოლო სკირა.

გავრცელებული ინფორმაციით, ინგლისური კლუბი 17 წლის ბრაზილიელში 12 მილიონ ევროს გადაიხდის, აგრეთვე შემდგომი გაყიდვით მიღებული თანხის 20 პროცენტიც ერგება.

ახალგაზრდა შემტევს "ქალაქელები" 5-წლიან კონტრაქტს გაუფორმებენ, რომელიც 2022 წლიდან შევა ძალაში, როცა ფეხბურთელი სრულწლოვანი გახდება.

2021 წელს კაიკიმ "ფლუმინენსეს" რიგებში 9 მატჩი ჩაატარა, ორი გოლი გაიტანა და ერთი შედეგიანი პასი გააკეთა.