ავტორიზაცია
მანჩესტერ სიტის 115 დარღვევის გამო ბრალდება წაუყენეს
ორშაბათს მანჩესტერ სიტის 115 დარღვევის გამო ბრალდება წაუყენეს. ინგლისური კლუბის წინააღმდეგ გამოძიება 4 წლის წინ დაიწყო, რის შემდეგაც 2009 წლიდან 2018 წლამდე "ქალაქელთა" შესაძლო დანაშაულები გამოიკვეთა.
თავად მანჩესტერ სიტი ბრალდებებს უარყოფს და ირწმუნება, რომ კლუბის წინააღმდეგ ძლიერი მტკიცებულებები არ არსებობს და ყველაფერი უკონტექსტოდ, დაჰაკული ელ. ფოსტის მეშვეობით გავრცელდა. თავის მხრივ, პრემიერ ლიგა ამბობს, რომ სიტის, შემოსავლებთან და ხარჯებთან დაკავშირებით, ზუსტი ინფორმაციას არ მიუწოდებია. ამასთან, ისინი მანჩესტერს გამოძიებასთან თანამშრომლობაზე უარის თქმაში ადანაშაულებენ.
მოსმენა, რომელიც დაახლოებით 10 კვირას გასტანს, ლონდონში მიმდინარეობს.
რას ნიშნავს 115 დარღვევა?
• 54 - არაზუსტი ფინანსური ინფორმაციის მიწოდებისთვის (2009-2018);
• 14 - ფეხბურთელებისა და მწვრთნელებისთვის გადახდილ ხელფასებზე ზუსტი დეტალების არმიწოდებისთვის (2009-2018);
• 5 - UEFA-ს ფინანსური FFP-ის წესების დარღვევისთვის (2013-2018);
• 7 - პრემიერ ლიგის წესების დარღვევისთვის (2015-2018);
• 35 - პრემიერ ლიგის გამოძიებასთან თანამშრომლობაზე უარის თქმისთვის (2018-2023).
მანჩესტერ სიტის მთავარი მწვრთნელი, პეპ გვარდიოლა აღნიშნულთან დაკავშირებით ამბობს:
"პროცესი მალე იწყება და ვიმედოვნებ, მალევე დამთავრდება. გადაწყვეტილებას მოუთმენლად ველი. ვიცი, რომ ბევრი ჭორი გავრცელდება. ვნახოთ, რა მოხდება. ყველა უდანაშაულოა, სანამ ბრალი არ დამტკიცდება."
