მანჩესტერ სიტის წარმომადგენლები მომავალ კვირაში მესის ოჯახს შეხვდებიან

"მანჩესტერ სიტის" წარმომადგენლები "ბარსელონას" ფორვარდ ლიონელ მესის ოჯახთან მომდევნო კვირაში შეხვედრას გამართავენ, იტყობინება ჟურნალისტი, ვერონიკა ბრუნატი.

აქამდე გავრცელებული ინფორმაციით, 33 წლის არგენტინელმა "ლურჯ-ბროწეულისფრებს" გუნდის დატოვების სურვილზე აცნობა.

გასულ სეზონში მესიმ "ბარსელონას" მაისურით 44 მატჩი ჩაატარა, 31 გოლი გაიტანა და 24 შედეგიანი გადაცემა გააკეთა. მოქმედი ხელშეკრულების ვადა მას 2021 წლის ზაფხულში ეწურება.

ბევრი გამოცემის თანახმად, მესისთვის "ინტერი", "პსჟ" და "მანჩესტერ იუნაიტედიც" იბრძვიან.