მანჩესტერი კამავიგნას წარმომადგენლებს დაუკავშირდა, თუმცა არადამაკმაყოფილებელი პასუხი მიიღო
„რენის“ ნახევარმცველის, ედუარდო კამავინგას მომავალი გაურკვეველი რჩება.
Manchester Evening News-ის ინფორმაციით, „მანჩესტერ იუნაიტედი“ 18 წლის ფეხბურთელის აგენტებს დაუკავშირდა და საკუთარი დაინტერესება გამოუთქვა.
თუმცა, აგენტებთან მოლაპარაკებებმა „მანჩესტერს“ ოპტიმიზმის საშუალება არ მისცა, რადგან კამავინგას წარმომადგენლებმა „იუნაიტედს“ შეატყობინეს, რომ ფეხბურთელს ლა ლიგაში სურს გადასვლა.
გავრცელებული ინფორმაციით, კამავინგა მზადაა „რენში“ კიდევ ერთი წლით დარჩეს, კონტრაქტის ამოწურვას დაელოდოს და მადრიდის „რეალს“ თავისუფალი აგენტის სტატუსით შეუერთდეს.
„სამეფო კლუბი“ კამავინგას გადაბირებას დიდი ხანია ცდილობს, ჯერ კიდევ პანდემიამდე ის გუნდის ერთ-ერთი მთავარი სამიზნე იყო.
რაც შეეხება „რენს“, კლუბს მისი უფასოდ დაკარგვის თავიდან ასარიდებლად, გაყიდვა 31 აგვისტომდე სურს და პოტენციური მყიდველების ძიებაში იმყოფება.
