ავტორიზაცია
მანჩესტერი წითელია, თავისუფლება პალესტინას და სხვა — მბაპეს ექაუნთი დაჰაკეს
საფრანგეთის ეროვნული ნაკრების და მადრიდის რეალის შემტევის, კილიან მბაპეს X-ის (ყოფილი twitter) ექაუნთი დაჰაკეს და რამდენიმე პოსტი დაწერეს.
"ებრაელები აკონტროლებენ ფეხბურთს", "ძირს ისრაელი", "თავისუფლება პალესტინას" — კილიანის სახელით მსგავსი ტიპის პოლიტიკური მოწოდებები დაიდო.
მბაპეს ექაუნთით მანჩესტერ სიტის ოფიციალური გვერდი მონიშნეს, თუმცა, ზუსტად 1 წუთში ახალი ტვიტები დაიდო: "ეს უბრალოდ სატყუარა იყო, მე მანჩესტერ იუნაიტედში გადავდივარ" და "მანჩესტერი წითელია."
"კრიშტიანუ რონალდუ ყველა დროის საუკეთესო ფეხბურთელია. ეს ლილიპუტი კი ჩემთვის არ არის goat (ყველა დროის საუკეთესო)" — ფრანგი შემტევის დაჰაკული ექაუნთით მსგავსი სახით ტვიტიც დაიდო.
მბაპეს სახელით მის ოფიციალურ გვერდზე ახალი კრიპტოქოინის ($MBAPPE) გაყიდვაც დაანოსნდა და გავრცელებული ინფორმაციის თანახმად, 90 ათასი ერთეული გაიყიდა.
კილიან მბაპემ X-ის ოფიციალური ექაუნთი მალევე დაიბრუნა და აღნიშნული ფოტოები და მოწოდებები უკვე წაშლილია.
