მანჩესტერმა ჩელსი გაანადგურა და ჩემპიონთა ლიგა ოფიციალურად გაინაღდა - ინგლისში ექვსეული პრაქტიკულად დაკომპლექტდა

პრემიერ ლიგის გადადებული 32-ე ტურის მატჩში „მან იუნაიტედმა“ „ჩელსი“ გაანადგურა.

შეხვედრა „ოლდ ტრაფორდზე“ გაიმართა და მასპინძელთა გამარჯვებით 4:1 დასრულდა.

„იუნაიტედის“ რიგებში გოლები რაშფორდმა (2), მარსიალმა და კაზემირომ გაიტანეს, „ჩელსიდან“ კი პრესტიჟის გოლი ჟოაო ფელიქსმა მატჩის მიწურულს მიითვალა.

ამ გამარჯვებით „იუნაიტედმა“ 72 ქულა დააგროვა და ოთხეულში გასვლა ოფიციალურად გაინაღდა, რაც იმას ნიშნავს, რომ მომდევნო სეზონში „წითელი ეშმაკები“ ჩემპიონთა ლიგაზე ითამაშეენ.

37 ჩატარებული მატჩის შემდეგ, ინგლისში ჩემპიონთა ლიგის და ევროპა ლიგის ექვსივე მონაწილე მონაწილე ოფიციალურად გაირკვა.

ამრიგად, მომდევნო სეზონში პრემიერ ლიგას ჩემპიონთა ლიგაზე „მან სიტი“, არსენალი“, „მან იუნაიტედი“ და „ნიუკასლი“ წარადგენენ, ევროპა ლიგაზე კი „ლივერპული“ და „ბრაიტონი“.

ერთადერთი, რაც ტოპ-ექვსეულში გასარკვევი დარჩა - „მანჩესტერ იუნაიტედის“ და „ნიუკასლის“ პოზიციებია. ამჟამად, „ეშმაკები“ 72 ქულით მე-3 ადგილს იკავებენ, ,„ნიუკასლი“ კი 70 ქულით მეოთხეა.

ბოლო ტურში ტენ ჰაგს გუნდი შინ „ფულემს“ უმასპინძლებს, „ნიუკასლი“ კი სტუმრად „ჩელსის“ დაუპირისპირდება.

რაც შეეხება კონფერენც ლიგის მომტან მე-7 პოზიციას, მისთვის ბრძოლას სამი გუნდი აწარმოებს - „ასტონ ვილა“ (58) „ტოტენჰემი“ (57) და „ბრენტფორდი“ (56).