მანუელ ნოიერს 2026 წლის მსოფლიო ჩემპიონატზე თამაში სურს

თარიღი: 21 Aug 2024, 16:50

BILD-ის ჟურნალისტების - კრისტიან ფალკისა და ტობი ალტშეფლის ცნობებით, მანუელ ნოიერმა გერმანიის ნაკრებში დარჩენა გადაწყვიტა და 2026 წლის მსოფლიო ჩემპიონატზე თამაშიც სურს.

38 წლის მეკარე სექტემბერში ბუნდესნაკრებისგან პაუზას აიღებს და გუნდს ოქტომბერში ან ნოემბერში დაუბრუნდება. მანამდე მას, სავარაუდოდ, მარკ-ანდრე ტერ შტეგენი ჩაანაცვლებს.

2024 წლის ევროპის ჩემპიონატამდე ვარაუდობდნენ, რომ აღნიშნული ტურნირი ბაიერნის ვეტერანი ფეხბურთელისთვის ნაკრებში უკანასკნელი იქნებოდა, მაგრამ გერმანელმა გეგმები შეცვალა. ეს პრაქტრიკულად იმას ნიშნავს, რომ ტერ შტეგენი "მანშაფტში" პირველი ნომერი ვეღარასდროს გახდება.

ბარსელონას მეკარეს დიდ სანაკრებო ტურნირზე დებიუტი ჯერ კიდევ არ ჰქონია.