მარადონას ყოფილი აგენტი იტალიაში: "ნიუელსს სრული უფლება აქვს, მესის დაბრუნების სჯეროდეს"

გილერმო კოპოლა - ადამიანი, რომელიც იტალიაში დიეგო მარადონას საქმეებს უძღვებოდა, მიიჩნევს, რომ არგენტინულ „ნიუელსში“ სრული უფლება აქვთ, ლეო მესის დაბრუნების სჯეროდეთ.

მესი „ნიუელს ოლდ ბოისის“ აკადემიაში 13 წლამდე ირიცხებოდა, შემდეგ კი „ბარსელონაში“ გადავიდა. მას შემდეგ, მან კარიერის სამშობლოში დაბრუნების სურვილი ბევრჯერ გამოთქვა.

„მთლად ახლავე არა, მაგრამ „ნიუელს“ სრული უფლება აქვს სჯეროდეს მესის დაბრუნების.“, - აღნიშნა კოპოლამ.

შეგახსენებთ, რომ 1993 წელს, „ნიუელსში“ რამდენიმე მატჩი დიეგო მარადონამაც ჩაატარა.