მარკო ვერატიმ შესაძლოა კარიერა თურქეთის ჩემპიონატში გააგრძელოს

ინსაიდერის ნიკოლო სკირას ინფორმაციით, 30 წლის ფეხბურთელის მომსახურებით სტამბული "გალათასარაი" იჩენს ინტერესს.

თურქული კლუბის შეთავაზების გარდა, ვერატის აქვს კარიერის გაგრძელების ვარიანტები საუდის არაბეთისა და ყატარის ჩემპიონატებში.

ვერატის "პსჟ"-სთან კონტრაქტით 2026 წლის ივნისის ბოლომდე აკავშირებს. მისი სატრანსფერო ღირებულება 40 მილიონ ევროდ არის შეფასებული.

გასულ სეზონში იტალიელმა პარიზული გუნდის შემადგენლობაში 38 მატჩი ჩაატარა და ერთი საგოლე გადაცემა გააკეთა.