მარკუს რაშფორდმა ვარჯიში განაახლა

Manchester Evening News-ის ინფორმაციით, მარკუს რაშფორდმა ვარჯიში განაახლა - ინგლისელმა კერინგტონზე გამართულ სავარჯიშო სესიაზე მონაწილეობა მიიღო.

26 წლის ფორვარდმა მცირე ტრავმის გამო რეინჯერსთან მიურეიფილდ სთედიუმზე კვირას ჩატარებულ ამხანაგურ შეხვედრაში (2-0) ვერ ითამაშა, მაგრამ ახლა გამოჯანმრთელდა და, სავარაუდოდ, გუნდთან ერთად პრესეზონზე აშშ-ში გაემგზავრება.

იუნაიტედი ამერიკის შეერთებულ შტატებში ოთხშაბათს გაფრინდება, სადაც არსენალს (28 ივლისი), ბეტისსა (31 ივლისი) და ლივერპულს (3 აგვისტო) დაუპირისპირდება.

გავრცელებული ჭორების მიუხედავად, მანჩესტერს რაშფორდის შენარჩუნებას აპირებს და სურს, მას ფორმის აღდგენაში დაეხმაროს.