მაროკოს მწვრთნელი: "აფრიკის ისტორია დავწერეთ, მაგრამ ჯერ არ დაგვიმთავრებია, მაქსიმალურ შედეგს ვუმიზნებთ"

მაროკოს ნაკრების მწვრთნელმა, ვალიდ რეგრაგიმ პორტუგალიასთან გამარჯვება შეაფასა.

„ჩვენი მეტოქე დიდებული პორტუგალიური გუნდი იყო. მაგრამ, ჩვენ მაქსიმალურ შედეგს ვუმიზნებთ. ჩვენმა კაპიტანმა ტრავმა მიიღო, მაგრამ ჩვენთან ყველა ბოლომდე იბრძვის.

ფეხბურთელებს ვუთხარი, რომ აფრიკის ისტორია უნდა დაგვეწერა და ჩვენ ეს გავაკეთეთ. შემდეგ ეტაპზე საკუთარი ძლიერი მხარეების გამოყენებით გავედით. თუმცა, ჩვენ ჯერ არ დაგვიმთავრებია.

პორტუგალიამ გაცილებით მეტი პრობლემა შეგვიქმნა, ვიდრე ესპანეთმა, მათ ძალიან ტექნიკური გუნდი ჰყავთ.

არ მესმის, როგორ შეუძლია ხალხს ჩვენი გაკრიტიკება. ვთამაშობთ ისე, როგორც შეგვიძლია, ვიყენებთ იმ იარაღს, რომელიც გაგვაჩნია.“ - აღნიშნა რეგრაგიმ.