ავტორიზაცია
მარსელოს რეალიდან წასვლა გადაწყვეტილია - მიზეზი, რის გამოც ბრაზილიელი ევროპაში არ გაჩერდება
მარსელო ზაფხულში სავარაუდოთ მადრიდის "რეალს" დატოვებს, რადგან კონტრაქტი სეზონის ბოლოს ეწურება, თუმცა, ის სხვა ევროპულ კლუბში არ გადავა, ამბობს Marca.
ყველაფერი იმიტომ, რომ მას არ სურს მომავალში მადრიდის "რეალის" წინააღმდეგ თამაში. მისი ორი შესაძლო მიმართულებაა მისი ყოფილი კლუბი ბრაზილიური "ფლუმინენსე" და დევიდ ბექჰემის "ინტერ მაიამი" აშშ-ში.
მარსელო მადრიდის "რეალის" შემადგენლობაში 2006 წლიდან თამაშობს. ამ დროის განმავლობაში მან 537 შეხვედრაში 38 გოლი გაიტანა და 101 საგოლე გადაცემა გააკეთა.
პაკო ხენტოს მსგავსად, მან 23 ტიტული მოიგო და კლუბის ისტორიაში ის ყველაზე ტიტულოვანი ფეხბურთელიც არის. როგორც ვხედავთ, მარსელოს მადრიდული ზღაპარი სამწუხაროდ მაინც სრულდება.
