"მას ყველაზე დიდი სარგებლის მოტანა შეუძლია " , - ფრანგული გამოცემა დავითაშვილზე
ფრანგული ვებ-გვერდი Girondinfos "ბორდოს" ქართველი ახალწვეულის ზურიკო დავითაშვილის შესახებ წერს და ამბობს, რომ ქართველი ფრანგული კლუბისთვის საუკეთესო შენაძენია.
"ჩვენთვის ყველაზე ნაკლებად ცნობილი ფეხბურთელი ზურიკო დავითაშვილია, მაგრამ რეალურად ამ მოთამაშეს შეუძლია "ბორდოს" ყველაზე დიდი სარგებელი მოუტანოს. ის ძალიან საინტერესო და ტექნიკური ფეხბურთელია. 21 წლის შემტევმა საქართველოს ნაკრების მაისური უკვე 18-ჯერ მოირგო.
მიუხედავად იმისა, რომ დავითაშვილს არაერთი ევროპული კლუბი ეპატიჟებოდა, უჩვეულო არჩევანი გააკეთა და ჩვენ შემოგვიერთდა. დიდი ალბათობით ის ზაფხულის სატრანსფერო ფანჯრის ყველაზე მომგებიანი შენაძენი იქნება " , - წერს ფრანგული გამოცემა.
შეგახსენებთ, რომ დავითაშვილი "ბორდო" 1-წლიანი იჯარით ბათუმის "დინამოდან" შეუერთდა, ფრანგებს ტრანსფერის გამოსყიდვაც შეეძლებათ. მისი სატრანსფერო ღირებულება 2 მილიონ ევროს შეადგენს.
