მასპინძელი ნაკრები მუნდიალის ჯგუფიდან ისტორიაში მეორედ ვერ გავიდა

კატარის ეროვნულმა ნაკრებმა საშინაო მუნდიალზე ჯგუფიდან გასვლსი შანსი დაკარგა.

ეს ცნობილი მას შემდეგ გახდა, რაც ნიდერლანდებმა და ეკვადორმა უშუალო შეხვედრაში ფრე 1:1 ითამაშეს.

კატარმა პირველი ორი მატჩი ეკვადორთან (0:2) და სენეგალთან (1:3) დამარცხდა და გუნდს 0 ქულა აქვს.

შესაბამისად, დღეანდელ მატჩში ფრის დაფიქსირების შემდეგ, ეკვადორის და ნიდერლანდების ანგარიშზე 4-4 ქულა გახდა, რაც კატარს მათი დაწევის ყველანაირ შანსს უსპობს.

ბოლო ტურში მასპინძლები ნიდერლანდებს დაუპირისპირდებიან.

კატარის ნაკრები - ისტორიაში მეორე მასპინძელია მსოფლიო ჩემპიონატის, რომელმაც ჯგუფიდან გასვლა ვერ შეძლო. პირველად, ეს 2010 წლის მუნდიალზე მოხდა, როცა ჯგუფში სამხრეთ აფრიკა ჩარჩა.