მასტერ ლიგის 2024 წლის სეზონი დასასრულს უახლოვდება

თბილისის ბეთლაივ მასტერ ლიგის მეორე და მესამე ლიგის გამარჯვებულები დაძაბული საჩემპიონო პლეი-ოფების შედეგად გამოვლინდნენ.

მეორე ლიგის ჩემპიონობა დამსახურებულად იზეიმა რეგულარული სეზონის გამარჯვებულმა "რევაინმა", რომელმაც ფინალის ძირითადი დრო "ვაზისუბანთან" 1:1 ითამაშა, ხოლო პენალტების სერიაში 4:2 დაამარცხა.

მესამე ლიგაში გრძელი საჩემპიონო გზა გაიარა "კაიზენმა", რომელიც პლეი-ოფებში მეორე ადგილოსანი გუნდის სტატუსით ჩაერთო და საბოლოოდ, "აგრუნი/ფრიუნის" გუნდთან დაძაბულ ბრძოლაში, ბოლო წამებზე ბეთლაივ მასტერ ლიგა 3-ის ჩემპიონობა მოიპოვა.

ბეთლაივ მასტერ ლიგა 1-ის საჩემპიონო პლეი ოფში რეგულარული ჩემპიონატის პირველი ოთხი ადგილოსანი გუნდი ჩაერთო და საბოლოოდ, ფინალურ შეხვედრაში, 14 დეკემბერს, 16:00 საათზე, ჩემპიონის გამოსავლენად ერთმანეთს “კავკასიის ავტოიმპორტი” და “თელავი” დაუპირისპირდებიან.

12 დეკემბერს, 7x7 ფეხბურთის ასოციაციის არენაზე, დასავლეთ და აღმოსავლეთ საქართველოს ჩემპიონების ვინაობაც გაირკვა. დასავლეთ ბეთლაივ მასტერ ლიგის ფინალში წყალტუბოს გუნდმა "არესი" 2:0 დაამარცხა, ხოლო აღმოსავლეთ ბეთლაივ მასტერ ლიგის ფინალში - "ბრენდერმა" პენალტების სერიაში წინა სეზონის ჩემპიონს, დუშეთის "კოსმოს" სძლია.

ბეთლაივ მასტერ ლიგის საუკეთესო გუნდები ასპარეზობას საქართველოს ბეთლაივ მასტერ ლიგის თასზე განაგრძობენ, რომლის საკვალიფიკაციო ეტაპიც კვირას, 15 დეკემბრიდან აიღებს სტარტს.