მატჩის დღე: მადრიდული დერბი ჩემპიონთა ლიგაზე

დღევანდელ მატჩს სანტიაგო ბერნაბეუ უმასპინძლებს. მოსალოდნელია, რომ სეზონის მესამე მადრიდული დერბი რთული იქნება - ისეთივე, როგორიც ლა ლიგაში გამართული 2 დაპირისპირება (ორივე 1-1 დასრულდა). თუმცა, რეალ მადრიდი სახლში თამაშობს, რაც უპირატესობაა და შეეცდება, პირველ მატჩში ეს გამოიყენოს. "ლოს ბლანკოსი" ატლეტიკოს წინააღმდეგ ევროტურნირებზე სამჯერ დაუპირისპირდა და სამივეჯერ მოუგო, მათ შორის, ორჯერ - ფინალში (1958/59; 2014/15; 2016/17).

ეს დერბი რეალ მადრიდისთვის ევროთასებზე მე-500 მატჩი იქნება და პირველი კლუბი გახდება, რომელიც ამ ნიშნულს მიაღწევს. კარლო ანჩელოტი იმედოვნებს, რომ გუნდი ამას შესანიშნავი პერფორმანსით აღნიშნავს. დღეს "ლოს ბლანკოსს" დისკვალიფიკაციის გამო ჯუდ ბელინგემი დააკლდება.

აღსანიშნავია, რომ ატლეტიკოც ბრწყინვალე ფორმაშია. დიეგო სიმეონეს შეგირდებმა ლიგის ფაზა მე-5 ადგილზე დაასრულეს. "როხიბლანკოს" ბოლო 10 მატჩია, არ წაუგია (6 მოგება, 4 ფრე), ბოლო 26 მატჩში კი მხოლოდ ერთხელ დამარცხდა. გუნდის საუკეთესო ბომბარდირი ხულიან ალვარესია, რომელსაც 21 გოლი აქვს გატანილი.

21:45 | ბრიუგე 🆚 ასტონ ვილა

23:55 | დორტმუნდი 🆚 ლილი

23:55 | პსვ 🆚 არსენალი

23:55 | რეალ მადრიდი 🆚 ატლეტიკო

23:55 | ფეინოორდი 🆚 ინტერი