ავტორიზაცია
"მატჩის საუკეთესო ფეხბურთელია!" - ბელგიური პრესა მიქაუტაძეზე
ბელგიის ჩემპიონატის მე-15 ტურში ლეუვენისა და სერენის დაპირისპირება სტუმართა გამარჯვებით, 1-3 დასრულდა.
აღნიშნულ მატჩში სუპერშედეგი ჰქონდა სერენის ქართველ ფორვარდ გიორგი მიქაუტაძეს, რომელმაც მე-20 წუთზე გოლი გაიტანა, ხოლო 71-ე წუთზე საგოლე გადაცემა გააკეთა.
მატჩის შემდეგ ბელგიურმა გამოცემა walfoot.be-მ 21 წლის ქართველი თავდამსხმელი შეხვედრის საუკეთესო ფეხბურთელად დაასახელა.
"ამ უიქენდზე გიორგი მიქაუტაძეს მხოლოდ ის არ გაუკეთებია, რაც საუკეთესოდ იცის. გატანილი გოლის გარდა, ქართველმა საგოლე პასი გააკეთა, ჯარიმები მოიპოვა სერენის სასარგებლოდ და შეტევაში გუნდის ტემპს აკონტროლებდა. უპირობოდ, მიქაუტაძე მატჩის საუკეთესო ფეხბურთელია!" - წერს waltfoot.be საქართველოს ნაკრების შემტევის შესახებ.
მიმდინარე სეზონში გიორგი მიქაუტაძემ სერენის მაისურით 12-ჯერ ითამაშა, 9 გოლი გაიტანა და 2 საგოლე გადაცემა გააკეთა.
