"მბაპე ნეიმარის გარეშე უკეთესია? ამ სისულელეებს ბოლო უნდა მოვუღოთ", - მარკინიოსი

"პსჟ"-ს მცველმა, მარკინიოსმა უპასუხა კითხვას იმის შესახებ, გააქვს თუ არა კილიან მბაპეს მეტი გოლი, როცა მოედანზე ნეიმარი არ არის.

"მბაპე ნეიმარის გარეშე უკეთესია? არა, ამ საუბრებს ვერ შევეგუებით, ვხედავ, რას ამბობს ხალხი. ამ სისულელეებს ბოლო უნდა მოვუღოთ. გვინდა ყოველთვის საუკეთესო ფეხბურთელები გვყავდეს", - აცხადებს ბრაზილიელი.

"თუ კილიანს კითხავთ, ვფიქრობ, მასაც ურჩევნია, რომ მის გვერდით ნეიმარი იყოს. კილიანმა "ბარსელონასთან" მატჩში ყველაფერი სწორად გააკეთა - სხვა ფეხბურთელებიც მნიშვნელოვანები იყვნენ".

"როცა გუნდს საქმე კარგად მისდის, ფეხბურთელებს ინდივიდუალურად უფრო გამოარჩევენ", - ციტირებს მარკინიოსის სიტყვებს Globo Esporte.

შეგახსენებთ, ჩემპიონთა ლიგის პირველ 1/8 ფინალურ მატჩში "პსჟ"-მ "ბარსელონა" ანგარიშით 4:1 გაანადგურა. მბაპემ ჰეთ თრიქი გაიფორმა. ნეიმარმა აღნიშნული დაპირისპირება ტრავმის გამო გამოტოვა.