"მბაპეს დონეზე ვერ არის", - კამერუნის ფორვარდის თქმით, მას სალაჰი ვერ ხიბლავს
კამერუნის თავდამსხმელმა ვენსან აბუბაკარმა „ლივერპულის“ და ეგვიპტის ნაკრების შემტევზე, მოჰამედ სალაჰზე ისაუბრა
ამ ორი ფეხბურთელის ნაკრებები ერთმანეთს აფრიკის თასის ½-ფინალში დაუპირისპირდებიან ერთმანეთს.
„სალაჰს პრემიერ ლიგაში შესანიშნავი სეზონი აქვს და თავის ქვეყანას ტურნირზე შორს გასვლაშიც დაეხმარა, ზოგადად მას წარმატებებს ვუსურვებ და ჩვენ დაპირისპირებაში, დაე უძლიერესმა გაიმარჯვოს.
თუმცა, ის ჩემზე დიდ შთაბეჭდილებას ვერ ახდენს, ამას პირდაპირ ვამბობ, იმიტომ რომ გულწრფელი ადამიანი ვარ და საკუთარი აზრი გამაჩნია. პირიქით რომ იყოს, ამასაც აუცილებლად ვიტყოდი, თუმცა სალაჰი დიდად ვერ მხიბლავს.
ის კარგი ფეხბურთელია, ბევრ გოლს იტანს, მაგრამ თამაშებში რაღაც განსაკუთრებულს ვერ აკეთებს. რა თქმა უნდა, ის პრემიერ ლიგაში კარგია, იმიტომ რომ თამაშობს გუნდში, რომელიც ბევრი წელია უმაღლეს დოენზე იმყოფება. ის კარგი ფეხბურთელია, მაგრამ მაგალითად მბაპეს დონეზე ვერ დგას.“ - აღნიშნა აბუბაკარმა.
