მბაპეს წასვლის შემთხვევაში პსჟ ლეაოს დამატებას შეეცდება

ESPN-ის მიერ გავრცელებული ინფორმაციის თანახმად, კილიან მბაპე სეზონის ბოლოს პსჟ-ს დატოვებს და კარიერას რეალში გააგრძელებს.

ფრანგი შემტევის წასვლის შემთხვევაში, პარიზული კლუბის მთავარი სამიზნე მილანის ერთ-ერთი ლიდერი, რაფაელ ლეაო იქნება და მის დამატებას შეეცდება.

24 წლის პორტუგალიელმა "როსონერისთან" კონტრაქტი რამდენიმე კვირის წინ გაახანგრძლივა და მისი გამოსასყიდი თანხა 175 მილიონი ევროა.