ავტორიზაცია
მბაპესაც კი აჯობა - პსჟ-ში მაისურების გაყიდვით ახალი ვარსკვლავი გამოჩნდა
ლეო მესის და ნეიმარის წასვლა „პსჟ-ზე“ საფეხბურთო მოედანს მიღმა ცუდად აისახა.
L’Equipe-ს ინფორმაციით, ლიონელ მესის „ინტერ მაიამიში“ წასვლის შემდეგ, პარიზელებმა სოციალურ ქსელში 10-15 მილიონი გამომწერი დაკარგეს. მეტიც, გამოცემა ამტკიცებს, რომ რამდენიმე სპონსორი, მათ შორის Crypto.com-იც პარიზულ კლუბთან პარტნიორობას ეჭვის თვალით უყურებს.
ასეთი ფეხბურთელების დაკარგვა აისახა „პარკ დე პრენსის“ დასწრებაზეც. „სტასბურთან“ მომდევნო მატჩის ბილეთები, რომელთა შეძენაც ფანებს ჯერ კიდევ სამი კვირის წინ შეეძლო, დღემდე არ არის ბოლომდე გაყიდული.
როგორც ჟურნალისტი აბდელა ბულმა წერს, ამჟამად მაისურების გაყიდვით „პსჟ-ში“ მთავარი ვარსკვლავი სამხრეთკორეელი ლი კან ინია, რომელიც გუნდს გასულ ზაფხულს „მალიორკადან“ შეუერთდა 22 მილიონ ევროდ.
ბოლო თვეების მანძილზე, ლი კან ინის მაისურები „პსჟ-ში“ ყველაზე აქტიურად იყიდება, მეორე ადგილს კი მბაპე იკავებს, რომელიც აქამდე აბსოლუტური ლიდერი იყო.
ლი კან ინმა „პსჟ-ს“ მაისურით ამ დრომდე მხოლოდ სამი მატჩი ჩაატარა, თუმცა საგოლე ქმედებით თავი ჯერ არ გამოუჩენია, რის შემდეგაც ტრავმა მიიღო და 2 მატჩი გამოტოვა.
L’Equipe-ს ინფორმაციით, ლიონელ მესის „ინტერ მაიამიში“ წასვლის შემდეგ, პარიზელებმა სოციალურ ქსელში 10-15 მილიონი გამომწერი დაკარგეს. მეტიც, გამოცემა ამტკიცებს, რომ რამდენიმე სპონსორი, მათ შორის Crypto.com-იც პარიზულ კლუბთან პარტნიორობას ეჭვის თვალით უყურებს.
ასეთი ფეხბურთელების დაკარგვა აისახა „პარკ დე პრენსის“ დასწრებაზეც. „სტასბურთან“ მომდევნო მატჩის ბილეთები, რომელთა შეძენაც ფანებს ჯერ კიდევ სამი კვირის წინ შეეძლო, დღემდე არ არის ბოლომდე გაყიდული.
როგორც ჟურნალისტი აბდელა ბულმა წერს, ამჟამად მაისურების გაყიდვით „პსჟ-ში“ მთავარი ვარსკვლავი სამხრეთკორეელი ლი კან ინია, რომელიც გუნდს გასულ ზაფხულს „მალიორკადან“ შეუერთდა 22 მილიონ ევროდ.
ბოლო თვეების მანძილზე, ლი კან ინის მაისურები „პსჟ-ში“ ყველაზე აქტიურად იყიდება, მეორე ადგილს კი მბაპე იკავებს, რომელიც აქამდე აბსოლუტური ლიდერი იყო.
ლი კან ინმა „პსჟ-ს“ მაისურით ამ დრომდე მხოლოდ სამი მატჩი ჩაატარა, თუმცა საგოლე ქმედებით თავი ჯერ არ გამოუჩენია, რის შემდეგაც ტრავმა მიიღო და 2 მატჩი გამოტოვა.
