ავტორიზაცია
მე-4 მშრალი კარი! მოგება მალიორკასთან და მამარდაშვილის მორიგი მატჩი ლა ლიგაში
ესპანური ლა ლიგის 26-ე ტურში მალიორკა საკუთარ მოედანზე ვალენსიასთან 0-1 დამარცხდა.
სტუმართა შემადგენლობაში აღნიშნულ მატჩში კარს გიორგი მამარდაშვილი იცავდა, რომელმაც მიმდინარე სეზონში მეოთხე შემთხვევაში მოახერხა კარის მშრალად შენახვა.
გიორგი მამარდაშვილმა ვალენსიას მაისურით მიმდინარე სეზონში 11-ჯერ ითამაშა, აქედან 10-ჯერ ლა ლიგაში და ერთხელაც, თასზე.
საქართველოს ნაკრების 21 წლის მეკარე ვალენსიას 2021 წლის ზაფხულში თბილისის დინამოდან შეუერთდა. "ღამურებმა" ქართველი კიპერი დეკემბერში, 1 მილიონის სანაცვლოდ გამოისყიდეს.
