მე-4 შედეგი რეალის ისტორიაში: ვინისიუსი დიდი ლეგენდების გვერდით დადგა

მადრიდის „რეალის“ შემტევმა, ვინისიუს ჯუნიორმა, ამ გუნდის მაისურით უკვე 100 მატჩის ჩატარება მოასწრო.

ამ საიუბილეო შეხვედრაში ბრაზილიელმა თავი გოლით გამოიჩინა და „რეალს“ „სოსიედადთან“ საშინაო მატჩში ერთი ქულა გადაურჩინა.

აღსანიშნავია, რომ თავის მე-100 მატჩში მოედანზე გასვლის დროს, ვინისიუსი 20 წლის, 7 თვის და 17 დღის იყო.

Marca-ს ინფორმაციით, ვინისიუსი მადრიდული გრანდის ისტორიაში მეოთხე ყველაზე სწრაფად ჩატარებული მატჩის ავტორი გახდა. მასზე ადრეულ ასაკში ეს შემდეგმა ფეხბურთელებმა მოახერხეს:

რაულ გონსალეს ბლანკომ (19 წლის, 3 თვის და 22 დღის)
ხოსე ანტონიო კამაჩომ (20 წლის, 3 თვის და 20 დღის)
იკერ კასილასმა (20 წლის, 4 თვის და 2 დღის).

საინტერესოა, რომ ვინისიუსმა ორი თვით ჩამოიტოვა მანუელ სანჩისი, რომელმაც ანალოგიური იუბილე 20 წლის, 9 თვის და 7 დღის ასაკში აღნიშნა.