ავტორიზაცია
მენდი: "ჰოლანდს ისე ვუყურებ, როგორც ბენტეკეს, პალასსა და სიტის შორის დიდი განსხვავება არ არის"
"ჩელსის" გოლკიპერი, ედუარ მენდი არ ღელავს იმის გამო, რომ ერლინგ ჰოლანდი პრემიერ ლიგაში გადავიდა სათამაშოდ.
"ვემზადები, ბევრს ვემზადები. საქმე კონკრეტულ თავდამსხმელს ან გუნდს არ ეხება - თითოეულ თავდამსხმელთან, თითოეულ გუნდთან კონცენტრირებული უნდა იყო, რათა გაიმარჯვო".
"ჰოლანდს ისე ვუყურებ, როგორც, მოდით ვთქვათ, ბენტეკეს "პალასიდან" - "კრისტალ პალასსა" და "მანჩესტერ სიტის" შორის დიდი განსხვავება არ არის. კონცენტრირებული უნდა იყო, რადგან თავდამსხმელია, გატანა შეუძლია".
"ასე რომ ვემზადები. ბევრს ვემზადები", - ციტირებს "არისტოკრატების" კარის დარაჯის სიტყვებს Liverpool Echo.
მოგეხსენებათ, ჰოლანდი ამ ზაფხულს "დორტმუნდიდან" "მანჩესტერ სიტიში" გადავიდა. 21 წლის ნორვეგიელი სუპერვარსკვლავის სანაცვლოდ "ქალაქელებმა" 60 მილიონი ევრო გადაიხადეს.
