ავტორიზაცია
მეოთხე ფეხბურთელი 21-ე საუკუნეში - ბრეიტვეიტი ესპანიოლში უმალვე რეკორდების დამყარებას შეუდგა
დანიელმა თავდამსხმელმა მარტინ ბრეიტვეიტმა „ესპანიოლის“ მაისურით დებიუტშივე მოახერხა „ბილბაოს“ კარის აღება და გამარჯვების გოლის გატანა.
ფორვარდმა მატჩი სასტარტოში დაიწყო და თავის გამოჩენა 83-ე წუთზე მოახერხა, ეს ერთადერთი გოლი იყო თამაშის და კატალონიურმა კლუბმა სტუმრად 1:0 იმარჯვა.
როგორც OptaJose „ტვიტერზე“ იტყობინება, ბრეიტვეიტი გახდა 21-ე საუკუნეში მეოთხე ფეხბურთელი, რომელმაც გოლის გატანა ორივე კატალონიურ გუნდში მოახერხა - „ესპანიოლშიც“ და „ბარსელონაშიც“.
აქამდე, ეს მხოლოდ სამს ჰქონდა გაკეთებული - დანი გარსია ლარას, ფილიპე კოუტინიოს და ალეიშ ვიდალს.
ბრეიტვეიტი „ბარსელონადან" „ესპანიოლს" რამდენიმე დღის წინ თავისუფალი აგენტის სტატუსით შეუერთდა.
