მერტენსმა ამ ზამთარს პრემიერ ლიგის გრანდში გადასვლა იუარა

"ნაპოლის" თავდამსხმელმა, დრის მერტენსმა ამ ზამთარს "ჩელსიში" გადასვლაზე უარი თქვა.

როგორც ბრიტანულ პრესაში წერენ, 33 წლის ბელგიელმა იტალიის დატოვება არ ისურვა, რადგან სერია ა-ში თავს ძალიან კომფორტულად გრძნობს.

გავრცელებული ინფორმაციით, მერტენსის ტრანსფერის ჩაშლის მეორე მიზეზი მაღალი სატრანსფერო ღირებულებაა. "ნაპოლი" 30 მილიონ ევროს ითხოვს.

მიმდინარე სეზონში ბელგიელმა იტალიის ჩემპიონატში 11 მატჩი ჩაატარა, 4 გოლი გაიტანა და 6 შედეგიანი გადაცემა გააკეთა.